اردو یونیورسٹی میں پالی ٹیکنک کورسس میں داخلے تیزی سے جاری

حیدرآباد، 19؍ مئی (پریس نوٹ ) مولاناآزاد نیشنل اردو یونیورسٹی کے حیدرآباد پالی ٹیکنک کالج کو آل انڈیا کونسل فار ٹیچر ایجوکیشن (AICTE) کی جانب سے پچھلے برسوں کی طرح اس سال بھی منظور ی حاصل ہوئی ہے۔ تعلیمی سال 2015-16 کے لیے مانو پالی ٹیکنک حیدرآباد میں ڈپلومہ ان سیول انجینئرنگ‘ ڈپلومہ ان کمپیوٹر سائنس انجینئرنگ‘ ڈپلومہ ان الکٹرانک اینڈ کمیونیکیشن انجینئرنگ اور ڈپلومہ ان انفارمیشن ٹکنالوجی میں داخلوں کا عمل شروع کیا ہوچکا ہے۔ جبکہ پالی ٹیکنک بنگلور و دربھنگہ میں سیول انجینئرنگ‘ کمپیوٹر سائنس انجینئرنگ اور الیکٹرانک اینڈ



کمیونیکیشن انجینئرنگ میں ڈپلومہ کورسس دستیاب ہیں۔ ڈپلومہ ان انفارمیشن ٹکنالوجی کے لیے نشستوں کی تعداد 40 ہے جبکہ باقی تین ڈپلوما کورسس کے لیے نشستوں کی تعداد فی کورس 60 رکھی گئی ہے۔ پالی ٹیکنک پروگراموں کی میعاد تین سال ہے۔ دسویں؍ایس ایس سی؍ مساوی بورڈ امتحان میں 35% نشانات سے کامیابی حاصل کرنے والے امیدوار ہی داخلے کے اہل ہیں۔ داخلہ بذریعہ انٹرنس ٹسٹ ہوگا جس کے لیے آن لائن رجسٹریشن کی سہولت یونیورسٹی ویب سائٹ www.manuu.ac.in پر دستیاب ہے ۔ فارم داخل کرنے کی آخری تاریخ 27؍مئی 2015 مقرر ہے۔مزیدتفصیلات کے لیے پرنسپل پالی ٹیکنک ڈاکٹر محمد یوسف خان سے فون نمبرات 040-23008413, 09848171044 پر ربط پیدا کیا جاسکتا ہے۔